Koordinatori: Roland Stafa
Adresa: “Bulevardi “Zog I – rë”, Tiranë
Web: http://www.drejtesia.gov.al,
Adresa Email: koordinatori.informimi@drejtesia.gov.al
Tel: +355 4 2259-388/89/90/91/92/93 Ext: 711 -00
Orari i punës: E hënë – E enjte 08.00-16.30
E premte 08.00-14.00
Ministria e Drejtësisë ju informon se bazuar në ligjin nr. 119/2014 “Për të drejtën e informimit”, të ndryshuar, çdo person ka të drejtë të paraqesë një kërkesë për informacion në përputhje me legjislacionin në fuqi. Kërkesa për informim duhet të paraqesë saktë identitetin e kërkuesit dhe nënshkrimin e tij.
Kërkesa për informim duhet të përmbajë:
a) emrin dhe mbiemrin e kërkuesit;
b) adresën postare ose elektronike ku kërkohet të dërgohet informacioni;
c) përshkrimin e informacionit që kërkohet;
ç) formatin në të cilin preferohet informacioni;
d) çdo të dhënë që kërkuesi gjykon se mund të ndihmojë në identifikimin e informacionit të kërkuar.
Për të lehtësuar procesin, mund të përdorni formularin standard të kërkesës për informacion, të cilin mund ta shkarkoni duke klikuar në këtë link: Formati i modelit të kërkesës për informacion
Kërkesa për informim shoqërohet nga dokumentacioni bashkëlidhur:
Kur kërkuesi është person fizik: kopje e dokumentit të identifikimit (p.sh. karta e identitetit ose pasaporta);
Kur kërkuesi është person juridik: të dhënat që identifikojnë saktësisht subjektin juridik (emri i plotë, NIPT, vendim gjykate për regjistrimin e OJF-ve, akti i përfaqësimit dhe përfaqësuesi ligjor etj.).